Fyrir okkur skiptir miklu máli að eiga gott samstarf við viðskiptavini okkar. Við höfum viðamikla reynslu af rekstri og uppbyggingu á staðsetningum fyrir þráðlaus fjarskipti og leggjum metnað okkar í að standa vel að verki.

Við leigjum. Við byggjum. Við starfrækjum.

Aðstöðuleiga

Með mörg hundruð eignir í rekstri vítt og breitt um landið bjóða ÍslandsTurnar fyrirtækjum upp á fjölbreyttar staðsetningar og lausnir til þess að ná til viðskiptavina sinna.

Starfslið okkar hefur mikla reynslu og þekkingu af fjarskiptainnviðum, bæði hvað varðar rekstur og uppbyggingu á þráðlausum fjarskiptum og ljósvakaútsendingum.  Við bjóðum uppá langtímasamninga til að tryggja hag allra aðila og leggjum okkur fram um að veita framúrskarandi þjónustu.

Aðstöðurekstur

Við aðstoðum fasteignaeigendur að koma vannýttum eignahlutum í verð með því að leigja þá fyrir þráðlaus fjarskipti. Starfslið ÍslandsTurna býður fram reynslu sína og þekkingu til þess að sjá um ferlið að öllu leyti, bæði hvað varðar uppbyggingu aðstöðunnar sem og um öruggan rekstur hennar og tryggja þannig land- og fasteignaeigendum reglulegar tekjur til langs tíma.

ÍslandsTurnar var stofnsett árið 2021 og er eigandi og rekstraraðili hátt í 400 fjarskiptaturna víðs vegar um landið. ÍslandsTurnar njóta stuðnings DigitalBridge, sem er aðaleigandi fyrirtækisins og einn af brautryðjendum í fjárfestingum stafrænna innviða víðs vegar um heim. Þannig nýtur fyrirtækið samstarfs við systurfélög í öðrum löndum og leggur kapp á að veita viðskiptavinum sínum ávallt bestu lausnirnar.

Rekstur sem byggir á reynslu og þekkingu

ÍslandsTurnar hafa á að skipa starfs- og samstarfsfólki sem býr að viðamikilli reynslu á íslenskum fjarskiptamarkaði og hafa starfað þar um árabil. Með þeirri þekkingu og samstarfi ÍslandsTurna við DigitalBridge systurfélögin leggjum við kapp á að veita framúrskarandi þjónustu.